Startseite » > Stammersdorf » 

26.09.2019

Da Stammersdorfer Flohmoakt


Amoi in Joah, meist noch‘n Summa, do wird‘s in Stammersdorf recht laut
wäu jeder gern in Ortskern kummt und in die Pfoa zum Flohmoakt schaut.
Glei waunnst in Pfoahof einekummst steht rechts a Standl mit vü Schuach
danebn gibt‘s Möbeln und a Bluman, die olle schee san – durch und durch.
Daunn kummst du bei da Bar vorbei wo‘s noch Kaffee und Turtn duft,
und a da G‘schmockn aner Grillwuascht liegt gaunz betörend in da Luft.
Fia d‘Gschroppn gibt’s a liabes Standl mit Spüzeig und vü scheene Puppn
und a an Schmuck und G‘schenkartikel verkauft dir gern die Flohmoakt-Truppn.
Des Aungebot aun G‘schirr und Hausrat entlockt dia boid ein frohes Poschn
doch sticht dir vurher no ins Aug des große Standl mit die Toschn.
Und G‘waund – i sog‘s eich – gibt’s in Massen, wo jeda guade Sochn findt
fia olle G‘wichts- und Größenklassen hängt schnö a „hot cotür“ im Spind.
Gaunz hint gibt‘s Spurt- und Freizeitsochn, und wer gern lest mocht a an Riss
wäu nebn technische Artikel da Pfoasoi volla Biacha is.
Waunn jeda g‘mocht hot daun sein Schnapperl und hamfoaht mit da gaunzn Fuah,
daunn gibt´s im Goatn a guats Papperl mit a poa Glasln Wein dazua.
Aum Schluss sann olle Mensch glicklich – es deaf a bissl g‘feiert wern
und nächstes Joah, zum nächstn Flohmoakt, do kumman olle wieda gern.


Stefan Bilik




Seite drucken

pfarre.stammersdorf.at

Grüß Gott und willkommen!

>Wochenordnung

Youtube-Kanal der Pfarren Enzersfeld und Klein-Engersdorf
Lade Daten ...
Lade Daten ...

Beichten

Stammersdorf: Jeden Freitag 18.00 (Pfarrer Georg Papp)

Enzersfeld: Jeden Samstag nach der Abendmesse (P. Sebastian)

Wer hat heute Namenstag?

heilige.de
heiligenlexikon.de